Fusha e mbetjeve në qytetin e Vlorës është përfshirë sërish nga flakët mbrëmjen e 23 marsit, të cilat po përhapen për shkak të erës. Zjarri rrezikon të djegë 5 banesa të afërta, ndërsa zjarrëfikësit dhe punonjësit e bashkisë janë në terren për të izoluar dhe shuar flakët.
Kjo nuk është hera e parë që fusha e mbetjeve përfshihet nga flakët, të cilat çlirojnë tym toksik, duke shkaktuar shqetësime për banorët dhe turistët. Specialistët theksojnë se zgjidhja afatgjatë është largimi i mbetjeve drejt landfillit të Sherishtës. Deri në realizimin e këtij transferimi, situata mbetet alarmante.
Në dhjetorin e vitit të kaluar, fusha e mbetjeve ishte përfshirë gjithashtu nga zjarri.
