Mëngjesin e sotëm një aksident ka ndodhur në fshatin Vogovë të Gjakovës dhe si pasojë një person ka humbur jetën dhe tre të tjerë kanë mbetur të lënduar.
Policia ka bërë me dije se aksidenti ka ndodhur rreth orës 02:05.
“Si pasojë e aksidentit, një person, mashkull dhe shtetas i Shqipërisë, ka humbur jetën në vendin e ngjarjes, ndërsa tre persona të tjerë kanë pësuar lëndime trupore dhe janë dërguar për trajtim mjekësor” – ka thënë zëdhënësi i Policisë Rajonale në Gjakovë, Sheremet Elezaj.
