Policia e Shkodrës ka arrestuar një 61-vjeçar me iniciale Ç.J., i cili ishte me precedentë pë armëmbajtje pa leje.
Gjatë kontrollit në banesën e tij në fshatin Rrencë, policia gjeti 11 pistoleta, kapsollë detonatore me fitil zjarrpërcjellës, rreth 2000 fishekë të kalibrave të ndryshëm, 2 antiplumba dhe 1 silenciator.
Ai e ushtronte banesën e tij në funksion të veprimtarive kriminale. Ndërkohë armët do t’i nënshtrohen ekspertizës në Institutin e Policisë Shkencore, për të provuar përdorimin e tyre për ngjarje kriminale.
Ndërsa materialet procedurale iu referuan Prokurorisë së Shkodrës, për veprime të mëtejshme.
