Procesi i numërimit të votave në Konispol ka përfunduar, duke përmbyllur rezultatin e zgjedhjeve për këtë bashki. Pas numërimit të 16 kutive të votimit, Partia Socialiste (PS) ka dalë fituese me 2171 vota, duke lënë pas partitë e tjera.
Partia Demokratike – Aleanca për Shqipërinë Madhështore (PD-ASHM) ka siguruar 973 vota, ndërsa koalicioni Shqipëria Bëhet ka marrë 373 vota. Forcat e tjera politike kanë arritur rezultate më të ulëta, me Lëvizjen Bashkë që ka siguruar 23 vota, dhe Mundësinë me 30 vota.
