Rusia ka pranuar se ka kryer sulme në Ukrainë, sipas mediave të huaja. Ministria e Mbrojtjes së Rusisë në një deklaratë ka thënë se forcat e saj goditën Ukrainën në përgjigje të “akteve terroriste”.
Në deklaratë thuhet se qëllimi i sulmit u arrit, si dhe të gjitha objektet e përcaktuara u goditën.
“Sonte, në përgjigje të akteve terroriste të regjimit të Kievit, Forcat e Armatosura Ruse kryen një sulm masiv me armë ajrore, detare dhe tokësore me precizion të lartë, si dhe me UAV sulmi, ndaj zyrave të projektimit, ndërmarrjeve për prodhimin dhe riparimin e armëve dhe pajisjeve ushtarake të Ukrainës, punëtorive për montimin e dronëve sulmues, qendrave të trajnimit për personelin e fluturimit, si dhe depove të armëve dhe pajisjeve ushtarake të Forcave të Armatosura të Ukrainës. Qëllimi i sulmit u arrit. Të gjitha objektet e përcaktuara u goditën.”, deklarata e plotë e Ministrisë së Mbrojtjes së Rusisë.
