Kryeministri Edi Rama njoftoi se Shqipëria do të presë samitin e NATO-s në vitin 2027, pas vendimit të marrë unanimisht nga liderët e aleancës në samitin e fundit në Hagë.
Në deklaratën përfundimtare të samitit u konfirmua gjithashtu se samiti i ardhshëm mbahet në Turqi në 2026, ndërsa ai pasues do të organizohet në Tiranë.
Rama falënderoi Mbretërinë e Holandës për mikpritjen e samitit të këtij viti dhe theksoi rëndësinë e këtij ngjarjeje për Shqipërinë dhe rolin e saj brenda NATO-s.
