Të paktën 20 palestinezë u vranë të hënën në një sulm ajror izraelit që goditi një kafene të njohur buzë detit, sipas mjekëve dhe dëshmitarëve okularë.
Ekipet e shpëtimit evakuuan 20 trupa dhe dhjetëra të plagosur nga Kafeneja Al-Baqa, një vend i hapur që përbëhej nga tenda përgjatë plazhit, tha për BBC-në një zëdhënës i Mbrojtjes Civile të Gazës, e drejtuar nga Hamasi.
Ai shtoi se ekipet e emergjencës po kërkonin ende në një krater të thellë të lënë nga shpërthimi. Ndërsa sipas raportimeve lokale, ekipet e shpëtimit nxorën trupat e pesë personave dhe dhjetëra civilë të plagosur u evakuuan në Spitalin Al-Ahli në qytetin e Gazës.
