Kryetarja e Kuvendit, Elisa Spiropali, ka përkujtuar 30-vjetorin e anëtarësimit të Shqipërisë në Këshillin e Europës, duke theksuar rëndësinë e këtij momenti për konsolidimin e demokracisë dhe reformat në drejtësi.
Spiropali nënvizoi daljen e vendit nga faza e monitorimit më 21 prill 2024, si rezultat i përparimeve në luftën kundër korrupsionit dhe forcimin e institucioneve demokratike.
Ajo gjithashtu riafirmoi mbështetjen e Shqipërisë për anëtarësimin e Kosovës në Këshillin e Europës, duke e cilësuar organizatën “jo të plotë” pa praninë e saj.
“30 vjet më parë Shqipëria u bë anëtare e Këshillit të Europës, një hap kyç në rrugën drejt konsolidimit të demokracisë, sundimit të ligjit dhe respektimit të të drejtave themelore të njeriut… Është rasti të përsërisim qëndrimin e vendosur të Shqipërisë se Këshilli i Europës, kjo organizatë prestigjoze e me impakt global, është jo e plotë pa Republikën e Kosovës dhe se anëtarësimi i Kosovës në KiE duhet të ndodhë sa më shpejt.”
