Presidenti ukrainas Volodymyr Zelensky ka njoftuar se Ukraina po punon për një tjetër raund negociatash me Rusinë, i cili pritet të mbahet në Stamboll.
Ai e bëri të ditur këtë përmes një postimi në Telegram, ku theksoi se përparësi mbetet shkëmbimi i të burgosurve të luftës.
Zelensky tha se është rënë dakord për një shkëmbim të mundshëm prej 1,200 personash dhe po punohet për finalizimin e listave.
Ai shtoi se po punohet gjithashtu për kthimin e civilëve dhe verifikimin e emrave të tyre.
Shefi i kabinetit Yermak ka informuar për bashkëpunimin me SHBA-në dhe përpjekjet për të kthyer fëmijët ukrainas të zhvendosur me forcë në Rusi.
