Një 12-vjeçar është lënduar në Gjirin e Gramës, pranë Karaburunit, gjatë një zhytjeje nga një shkëmb në det. Ai ka pësuar dëmtime në kokë dhe menjëherë është kërkuar ndihmë mjekësore.
Policia Kufitare Dhërmi ka dërguar me mjet lundrues ekipin mjekësor në vendin e ngjarjes, ku 12-vjeçarit iu dha ndihma e parë.
Më pas ai është transportuar në spital për trajtim të mëtejshëm.
Fatmirësisht, gjendja e tij është jashtë rrezikut për jetën.
