Ministria e Shëndetësisë ka njoftuar ngritjen e mekanizmit të emergjencës për mobilizimin e strukturave shëndetësore dhe logjistike në zonat e prekura nga zjarret, veçanërisht në Delvinë dhe Nartë të Gramshit.
Në njoftim thuhet se OSHKSH, QKUM, QSUNT, SUT dhe spitalet rajonale janë në koordinim të vazhdueshëm për mbështetje operative, ndërsa bashkëpunimi me pushtetin lokal dhe mbrojtjen civile vazhdon për evakuimin dhe trajtimin e banorëve.
Prioritet mbetet garantimi i vazhdimësisë së shërbimeve shëndetësore dhe ofrimi i ndihmës për qytetarët në nevojë.
