Kryeministri Edi Rama ka reaguar për ndarjen nga jeta të regjisorit të shquar Dhimitër Anagnosti, duke e cilësuar atë si “babain e kinematografisë shqiptare”.
Përmes rrjeteve sociale, Rama kujton njohjen personale me Anagnostin dhe kontributin e tij të jashtëzakonshëm në historinë e filmit shqiptar.
“Babai i kinemasë shqiptare, autori i shumë skenarëve që shenjuan rrugën e kinematografisë sonë të re në një kohë tejet të vështirë për ëndrrat krijuese, regjizori i plot filmave të arrirë dhe i filmit kult ‘Lulëkuqe mbi mure’ që ka mbetur sot e gjithë ditën si kryetitulli i ekranit të historisë së filmit shqiptar, mjeshtri i shumërespektuar nga i madh e i vogël dhe vunjotësi kryeneç që mezi e priste verën për t’u arratisur nga qyteti e shkuar poshtë, tek shtëpia e fëmijërisë në Vlorë, e më vonë tek kasollja e tij buzë detit në Jalë, Barba Taqo siç e njoha unë kur isha fare i vogël e ai ende shumë i ri apo Dhimitër Anagnosti, siç e njohin të gjithë dashamirët e filmit dhe tërë ata që e deshën a jo, ndërroi jetë pasi jetoi gjithnjë me kokën lart.
Lamtumirë Barba Taqo, u prehsh në paqe Grand Master”, shkruan Rama.
