Presidenti Bajram Begaj priti në një takim ministrin e Jashtëm të Qipros, Constantinos Kombos, ku u vlerësuan marrëdhëniet shumë të mira mes dy vendeve dhe u diskutua për forcimin e bashkëpunimit.
Presidenti falënderoi Qipron për mbështetjen ndaj procesit të integrimit të Shqipërisë në BE dhe theksoi rëndësinë e bashkëpunimit gjatë presidencës qipriote të Këshillit të BE-së në vitin e ardhshëm.
Ai gjithashtu i ka dërguar një ftesë zyrtare për vizitë në Shqipëri Presidentit të Qipros.
Në takim u trajtuan edhe zhvillimet aktuale në Evropë dhe rëndësia e bashkëpunimit rajonal përballë sfidave të përbashkëta.
