Nënkryetari i Bashkisë së Tiranës, Blendi Sula, së bashku me Inspektoriatin e Mbrojtjes së Territorit dhe Policinë Bashkiake, po vijojnë aksionin për lirimin e hapësirave publike në zonën e Laprakës, njësia 11.
Sula bëri apel për lirimin e menjëhershëm të hapësirave që janë zënë pa leje, duke theksuar se qytetarët duhet të përfitojnë nga këto hapësira, jo interesat e grupeve të caktuara.
Ai paralajmëroi se do t’u kërkohet dokumentacioni ligjor subjekteve dhe nëse nuk respektohet afati për lirimin vullnetar, do të ndërhyhet me masa administrative dhe çmontim të objekteve të paligjshme.
