Pas një starti sezoni jo shumë të qëndrueshëm, Interi ka nisur të tregojë forcën e vërtetë. Pas fitores ndaj Ajaksit në sfidën e parë të Champions League, zikaltërit morën një tjetër trepikësh të rëndësishëm ndaj Slavia Pragës në shtëpi.
Takimi u zhbllokua në minutën e 30-të pas një gafe të portierit çek, që u shfrytëzua në mënyrë perfekte nga Lautaro Martinez. Vetëm katër minuta më vonë, Dumfris dyfishoi rezultatin pas një aksioni të bukur të organizuar nga Interi.
Pjesa tjetër e ndeshjes kaloi pa shumë histori, me Interin që administroi mirë lojën dhe nuk lejoi asnjë surprizë. Me këtë fitore, zikaltrit forcojnë pozitat në grup dhe duken gjithnjë e më bindës në Europë.
