Të martën do të luhen nëntë ndeshje të vlefshme për raundin e gjashtë të fazës së grupeve të Ligës së Kampionëve.
Ndeshja e parë nis në një orar të pazakontë në Astana, ku Kairat Almaty pret Olympiacos në një sfidë të zhvilluar në temperatura ekstreme prej -20 gradë Celsius. Më pas, në orën 18:45, Bayern Munich do të përballet me Sporting Lisbone në Gjermani.
Për të përmendur disa nga duelet më interesante, Interi do të luajë në shtëpi ndaj Liverpool, që vjen me shumë probleme, ndërsa Atalanta e Berat Gjimshitit do të sfidojë Chelsea në Bergamo. Barcelona, pa disa yje të saj si Araujo dhe Gavi, do të presë Eintracht Frankfurt në “Camp Nou”.
Pas pesë ndeshjeve të para të fazës, Arsenal kryeson grupin me 15 pikë, ndërsa PSG, Bayern Munich, Inter dhe Real Madrid ndjekin me nga 12 pikë secili.
