Policia e Durrësit ka dhënë detaje mbi zjarrit që shpërtheu një ditë më parë në parkun e autobusëve, ku u dogjën 8 autobusë që ishin jashtë funksionit.
Sipas njoftimit të policisë, specialistët për Hetimin e Krimeve e kanë klasifikuar ngjarjen si aksidentale, pas hetimeve të para.
Dyshohet se zjarri është shkaktuar nga një shkëndijë elektrike në baterinë e njërit prej autobusëve.
Materialet janë dërguar në Prokurori për veprime të mëtejshme.
