Ish-presidenti i vendit tonë Ilir Meta, pak minuta më parë përmes një postimi në facebook, ka reagur për ngjarjen e ndodhur dhe dhunën e ushtruar ndaj avokatit të tij ligjor, Kujtim Cakranit, ditën e sotme në një karburant në qytetin e Vlorës.
Postimi i Metës
Dënoj me ashpërsi sulmin ndaj Avokatit Kujtim Cakrani nga dy banditë, të cilët jo vetëm duhet të identifikohen, por edhe të vendosen para ligjit sa më shpejt.
Nuk është hera e parë, që sulmohen avokatët sepse jetojmë në një regjim ku ata konsiderohen jo vetëm të panevojshëm, por edhe problematikë.
Solidaritetin tim të plotë me Avokatin Cakrani, me familjen e tij, si edhe me të gjithë kolegët!
