GJKKO ka mbyllur shqyrtimin gjyqësor lidhur me dosjen “Sterilizimi”.
Mësohet se vendimi do të shpallet më datë 4 mars, në orën 15:30.
SPAK-u shpalli pretencën më 25 qershor për 8 të pandehur të dosjes.
U kërkua gjykim i shkurtuar ndaj shtetasve: Klodian Rjepaj, Ilir Rrapaj, Marsela Serjani, Samir Kadiu, Petraq Mersini, Arben Gjata, Genci Byrazeri dhe Naile Ajazi.
I përfshirë në çështje është edhe ish-ministri i Shëndetësisë, Ilir Beqaj, i akuzuar për vjedhje duke shpërdoruar detyrën në kuadër të grupit të strukturuar kriminal, i cili po gjykohet veçmas me procedurë të zakonshme./ CNA
