Kryeministri izraelit, Benjamin Netanyahu, ka paralajmëruar se Irani do të përballet me një përgjigje që nuk mund ta imagjinojë nëse vendos të sulmojë Izraelin. Në një fjalim gjatë ceremonisë së diplomimit të kadetëve të Ushtrisë së Mbrojtjes, Netanyahu theksoi se Izraeli është duke punuar ngushtësisht me Shtetet e Bashkuara për të adresuar kërcënimin iranian.
Netanyahu po ashtu përmendi takimin e tij të fundit me Presidentin amerikan, Donald Trump, në Uashington, ku diskutuan mbi pozitat e Izraelit për negociatat me Iranin. Tensionet në rajon janë rritur ditët e fundit, me Shtetet e Bashkuara që kanë dërguar forca të konsiderueshme detare dhe ajrore, duke realizuar vendosjen më të madhe të forcave amerikane në rajon që nga viti 2003.
Ndërkohë, pavarësisht bisedimeve të fundit mbi programin bërthamor të Iranit, Shtëpia e Bardhë ka theksuar se qëndrimet e palëve janë ende larg njëra-tjetrës, dhe Trump ka paralajmëruar se një vendim për Iranin do të merret brenda dhjetë ditëve të ardhshme.
