Në një intervistë për Corriere della Sera, presidenti ukrainas, Volodymyr Zelensky, ka komentuar situatën aktuale të luftës kundër Rusisë, si dhe mundësitë e përshkallëzimit të konflikteve në Iran.
Ai shprehu shqetësimet për vështirësitë në sigurimin e armëve dhe për mbrojtjen e hapësirës ajrore të Ukrainës, ndërsa paralajmëroi për pasojat e mundshme të tensioneve në Lindjen e Mesme.
“Ne mund të hasim vështirësi në sigurimin e raketave dhe armëve për mbrojtjen e hapësirës sonë ajrore. Amerikanët dhe aleatët e tyre në Lindjen e Mesme mund t’i kenë nevojë për t’u mbrojtur, për shembull raketat anti-Patriot. Ne përdorim programin Purl, për të blerë armët amerikane me fonde europiane: ndoshta amerikanëve do t’u duhen, ashtu si vitin e kaluar,” u shpreh Zelensky, duke theksuar gjithashtu se ndikimi i përshkallëzimit të tensioneve në Iran mund të ndikojë ndjeshëm në furnizimin e Ukrainës me armë të nevojshme për mbrojtjen e saj.
Ai shtoi se, megjithëse ka pasur vështirësi dhe shqetësime për furnizimin, Ukraina ka arritur të diversifikojë metodat e mbrojtjes, si dhe ka përdorur dronë dhe burime teknike për të përballuar sfidat që ka përballuar.
“Ne jemi të përqendruar në forcimin e mbrojtjes dhe vijueshmërisë të mbështetjes ndërkombëtare. Por gjithashtu duhet të sigurojmë që çdo mundësi që kemi për të ruajtur integritetin territorial të Ukrainës të jetë e mundur, pa pasur nevojë të bëjmë kompromise të rrezikshme për të ardhmen e vendit,” përfundoi Zelensky.
