Ervin Salianji në takimin e zhvilluar në Vlorë, foli për çështje të ndryshme dhe zhvillimet politike në vend. Ai tha se shteti ka degraduar, ndërkohë u shpreh edhe kritik ndaj opozitës, pasi po largon njerëzit të cilët kanë kontribuar dhe sakrifikuar ndër vite.
“Ju falënderoj që më keni pritur sot, ju jam mirënjohës që gjeni kohën dhe kontribuoni për PD. Vlora është qytet i pavarësisë, guximit dhe qyteti ku qytetarët kanë pasur guximin të ngrihen. Shqipëria ka nevojë të sjellë politikën në shtratin e përgjegjësisë dhe normave të mos jetë e shkëputur nga qytetarët. Situata në Shqipëri alarmante, ka nevojë për dorëheqje. Skandali emëruesi i përbashkët i qeverisë. Në qarkun e Vlorë është dhënë një shembull ku drejtuesi ka dhënë dorëheqje”, tha Salianji.
