Zyrtarët e BE-së kanë përshëndetur armëpushimin dyjavor mes Shteteve të Bashkuara të Amerikës dhe Iranit. Presidentja e Komisionit Evropian, Ursula von der Leyen, tha,
“E mirëpres armëpushimin dyjavor që SHBA-ja dhe Irani ranë dakord mbrëmë. Ai sjell qetësimin e nevojshëm të tensioneve.”
Ajo theksoi se është e rëndësishme të vazhdojnë negociatat për një zgjidhje të qëndrueshme për konfliktin.
Kaja Kallas, diplomatja më e lartë e BE-së, gjithashtu e quajti armëpushimin një mundësi për të zbutur tensionet dhe për të hapur mundësinë për diplomaci.
“Armëpushimi krijon një mundësi të nevojshme për të zbutur kërcënimet dhe për të rinisur transportin detar,” tha ajo.
Në një postim tjetër, Presidenti i Këshillit Evropian, Antonio Costa, tha se “BE-ja është e gatshme të mbështesë përpjekjet e vazhdueshme dhe mbetet në kontakt të ngushtë me partnerët e saj në rajon.”
