Shkelzen Mustafa është rikonfirmuar kryetar i Partisë Demokratike, dega 11, pas zgjedhjeve që u mbajtën sot.
Ai fitoi bindshëm me 585 vota, duke lënë pas kandidates tjetër, Dava Marku, që mori 315 vota. Në zgjedhje morën pjesë 908 anëtarë, ndërsa 8 vota dolën të pavlefshme.
Pas procesit të numërimit, Mustafa tha se ky ishte një proces bashkues për demokratët e degës dhe se ata janë të gatshëm për t’i bërë ballë qeverisë aktuale.
Ai shprehu besimin se dega 11 do të shërbejë si frymëzim për demokratët e Tiranës në zgjedhjet e ardhshme vendore.
