Deputetja e Partisë Demokratike, Albana Vokshi, ka reaguar pasi Gjykata e Apelit la në fuqi vendimin për rrëzimin e një padie për shpifje të ngritur ndaj saj nga sipërmarrësja Vilma Nushi.
Ajo e ka konsideruar këtë vendim si pjesë të një përballjeje të gjatë me çështje që lidhen me koncesionet në shëndetësi.
“Një padi për shpifje e ngritur nga Vilma Nushi, financuese e Edi Ramës dhe përfituese e koncesionit të Check Up-it, u rrëzua nga gjykata dhe vendimi u la sot në fuqi edhe në Apel. Prej një dekade, jam në një betejë të pandërprerë në parlament dhe në gjykata me oligarkët e shëndetësisë dhe koncesionet 100 milionë euro, të konceptuara jo për pacientët, por për të shpërblyer klientët politikë të Edi Ramës,” shkruan Vokshi.
