Kancelari gjerman, Friedrich Merz, ka komentuar zhvillimet e fundit në politikën ndërkombëtare, duke shprehur qëndrimin e tij mbi çështjet e integrimit të Ukrainës në Bashkimin Evropian dhe situatën në Lindjen e Mesme.
Ai theksoi se një anëtarësim i shpejtë i Ukrainës në BE nuk është i mundur dhe se duhet të avancojë procesi para-anëtarësues. Gjithashtu, ai diskutoi nevojën për shtimin e presionit ndaj Iranit dhe për intensifikimin e sanksioneve ndaj Rusisë.
“Anëtarësimi i menjëhershëm i Ukrainës në Bashkimin Evropian nuk është i realizueshëm në kushtet aktuale. Hapi i duhur është përshpejtimi i procesit para-anëtarësues, i cili mund të hapë rrugën për integrimin e saj të plotë. Sa i përket Iranit, është e nevojshme që të shtohet presioni ndërkombëtar, por nëse Irani është i gatshëm të bëjë lëshime, mund të shqyrtohen mundësitë për zbutjen e sanksioneve. Ndërsa për Rusinë, presioni do të vazhdojë të rritet për të arritur objektivat e Bashkimit Evropian,” deklaroi Merz.
