Ish-Presidenti i vendit, Ilir Meta me anë të një postimi në faqen e tij facebook ka reagur për ndarjen nga jeta ditëne djeshme të ish-kreut të Kuvendit të Shqippërisë, Servet Pëllumbi në moshën 89 vjepçare.
Postimi i Metës
Me hidhërim të thellë mësova mbrëmë vonë për ndarjen nga jeta të Prof. Servet Pëllumbit, një figurë e shquar në jetën politike dhe institucionale të vendit, me kontribute shumë të rëndësishme jo vetëm në jetën politike, por edhe akademike.
Për mua ka qenë kënaqësi të bashkëpunoja me të në një periudhë shumë të vështirë të tranzicionit të vendit.
Ngushëllimet më sinqerta për bashkëshorten e tij, djemtë dhe gjithë familjen Pëllumbi për ikjen nga jeta të njeriut të tyre të dashur, por edhe për të gjithë miqtë, bashkëpunëtorët dhe dashamirësit.
Të prehet në paqen e merituar!
I paharruar kujtimi i Prof. Servet Pëllumbit!
