Këto janë momentet pak para përplasjes tragjike, kur një kamera sigurie në zonë tregon shpejtësinë me të cilën po lëvizte makina tip “ML 350” e drejtuar nga Nikoll Radaçi të dielën, më 3 maj, rreth orës 14:04, në lagjen nr. 15 në Durrës.
Pak çaste më pas, ai dyshohet se ka humbur kontrollin e mjetit dhe ka përplasur tre fëmijë të mitur, teksa kanë qenë duke luajtur me top në trotuar.
Si pasojë e aksidentit, dy prej të miturve humbën jetën, ndërsa një tjetër mbeti i plagosur rëndë, i cili akoma ndodhet në spitalin e Traumës.
57 vjeçari Nikoll Radaçi është arrestuar menjëherë pas ngjarjes nga policia, pasi drejtonte makinën e tij në gjendje të dehur.
