Deputetja e Partisë Demokratike, Jorida Tabaku, me anë të një video-mesazhi në faqen e saj facebook ka reaguar lidhur me rritjen e çmimeve dhe pamundësinë e përballimit të kostos së jetesës, duke u shprehur se qeveria ka ngritur një sistem ekonomik që favorizon pakicën dhe jo qytetarët.
Postimi i Tabakut
Sot kemi një sistem ekonomik që në çdo ligj që kalon parlamenti fut duart në xhepat e qytetarëve. Në çdo vendim mendohet për pakicën dhe jo për shumicën. Çdo derë që kam trokitur këtë javë, çdo biznes, çdo pensionist dhe çdo familje e mesme kishte vetëm një shqetësim: koston e lartë të jetesës dhe çmimet e papërballueshme. Këtë sistem duhet ta ndryshojmë dhe nuk do të lodhem çdo ditë të trokas në çdo derë deri kur t’ia arrijmë.
