Mbledhja e kryesisë së Kuvendit, e paraparë për të diskutuar çështje të brendshme parlamentare, nuk u zhvillua për shkak të mungesave të anëtarëve.
Kryetarja e Kuvendit, Albulena Haxhiu, bëri të ditur se vetëm nënkryetarja Emilja Rexhepi ishte prezent, ndërsa pjesa tjetër e kryesisë nuk ishte e pranishme.
“Unë kam informacion që z. Gola si nënkryetar i Kuvendit është jashtë vendit zyrtarisht, në Asamblenë Parlamentare të NATO-s, ndërsa për të tjerët nuk kam pasur informacione për mungesën e tyre. Për këtë arsye, nuk kishim mundësi të trajtonim çështjet e kryesisë së Kuvendit. Ndoshta partitë politike janë ende të zënë me listat zgjedhore, ndonëse afati ka qenë deri dje,” deklaroi Haxhiu para mediave.
