Kryeministri Edi Rama ka folur për projektin e investimit në zonën e Zvërnecit në Vlorë, duke hedhur poshtë pretendimet se shteti ka falur prona publike dhe duke sqaruar se bëhet fjalë për një pronë private dhe një proces zhvillimi me investitorë seriozë.
“Më vjen të them diçka mbi këtë zhurmën e një lajmi të rremë me demek që shteti po fal Zvërnecin. Shteti nuk po fal asgjë. Ajo është një pronë private. Investitorët e përfshirë janë shumë seriozë dhe e kanë marrë atë pronë nga privatët. Shteti nuk ka pjesë aty, ndërsa në anën tjetër të projektit, në ishullin e Sazanit, toka është e shtetit shqiptar dhe aty shteti do të jetë pjesë e zhvillimit.”
