Mijëra qytetarë u mblodhën sot në bulevardin “Dëshmorët e Kombit” dhe përpara Kryeministrisë për të shprehur kundërshtimin ndaj projektit të ndërtimit në zonën e mbrojtur të Zvërnecit.
Pamjet e kapura me dron tregojnë marshimin e protestuesve, pankartat me mesazhe si “Shqipëria nuk është në shitje” dhe grumbullimin e qytetarëve në rrugët kryesore të kryeqytetit.
Qytetarët kërkojnë anulimin e ligjit të zonave të mbrojtura, ndalimin e projekteve strategjike që sipas tyre favorizojnë oligarkët, si dhe dorëheqjen e kryeministrit dhe të ministrit të Brendshëm.
