Ushtria amerikane njoftoi se ka penguar me sukses një sulm me raketa balistike të nisura nga Irani drejt një zone ku ndodhet personel ushtarak i SHBA-së në Kuvajt.
Sipas Komandës Qendrore Amerikane (CENTCOM), sistemet e mbrojtjes identifikuan objektivat menjëherë pas lëshimit dhe ndërhynë për t’i shkatërruar ato para se të arrinin destinacionin. Autoritetet ushtarake theksuan se nga incidenti nuk pati të vrarë, të plagosur apo dëme të raportuara.
Në deklaratën e saj, CENTCOM bëri të ditur se forcat amerikane vijojnë të monitorojnë nga afër situatën e sigurisë në rajon dhe janë të përgatitura për t’iu përgjigjur çdo kërcënimi që mund të rrezikojë trupat apo interesat e SHBA-së.
Komanda amerikane shtoi se, paralelisht me masat mbrojtëse, mbështet përpjekjet që synojnë ruajtjen e armëpushimit dhe shmangien e një përshkallëzimi të mëtejshëm të tensioneve.
