Një grup qytetarësh në Prishtinë protestuan sot përpara Ambasadës së Shqipërisë në Kosovë, në mbështetje të protestave që po zhvillohen në Tiranë kundër privatizimit të zonave bregdetare, përfshirë Zvërnecin dhe Sazanin.
Gjatë protestës Liridona Sijarina, tha se organizata që drejton po solidarizohet me qytetarët që po kundërshtojnë projektet që, sipas saj, rrezikojnë tokën dhe natyrën në Shqipëri.
“Sot kemi dalë këtu për të shprehur solidaritetin tonë me protestat në Shqipëri, që janë duke u bërë për të mbrojtur tokën dhe natyrën në Zvërnec, Sazan e përtej”, tha ajo.
