Efektivi i Forcave “Shqiponja”, Enea Mekolli, i cili humbi jetën gjatë kryerjes së detyrës, është përcjellë për në banesën e fundit në një ceremoni ku morën pjesë familjarë, miq, kolegë dhe përfaqësues të Policisë së Shtetit.
Mekolli u nderua edhe si “Dëshmor i Atdheut” pas vrasjes së tij gjatë një operacioni policor për kapjen e një 43-vjeçari të shpallur në kërkim, Violand Braçellari.
Gjatë ndërhyrjes, i dyshuari ka hapur zjarr ndaj efektivëve pasi i është bërë thirrje për t’u dorëzuar, duke shkaktuar vdekjen e 34-vjeçarit Mekolli dhe plagosjen e rëndë të një tjetër punonjësi policie 36-vjeçar.
