Një grup shqiptarësh që jetojnë në Mbretërinë e Bashkuar janë mbledhur para ambasadës shqiptare në Londër për të protestuar kundër projektit turistik në Zvërnec.
Protestuesit mbanin flamuj kuqezi dhe pankarta me mesazhe kundër zhvillimit të projektit. Në disa prej tyre lexohej slogani: “Shqipëria nuk është në shitje”.
Pamjet e publikuara nga protesta tregojnë pjesëmarrësit të mbledhur përpara godinës së ambasadës, ndërsa ata kërkojnë mbrojtjen e zonës së Zvërnecit dhe më shumë transparencë për projektin në fjalë.
