Kundërshtimi ndaj projektit të ndërtimit të resortit në zonën e Zvërnecit po merr përmasa edhe ndërkombëtare.
Këtë të diel, shqiptarë që jetojnë në Holandë dolën në një prej shesheve të qytetit të Hagës për të shprehur pakënaqësinë e tyre ndaj investimit.
Protestuesit nuk janë fokusuar vetëm tek ndërtimi i resortit, por kanë bërë thirrje edhe për dorëheqjen e kryeministrit Edi Rama, duke kërkuar ndryshime në qeverisje.
Kjo lëvizje tregon se shqetësimi për vendimmarrjen qeveritare dhe për mbrojtjen e zonave natyrore ka nisur të mobilizojë jo vetëm qytetarët brenda vendit, por edhe diasporën shqiptare në Europë.
