Një emigrante nga Shkodra, e cila prej 34 vitesh jeton jashtë vendit, iu bashkua protestës para Kryeministrisë në Tiranë, ku shprehu pakënaqësinë ndaj klasës politike dhe u bëri thirrje shqiptarëve të mos largohen nga vendi.
“Jam shkodrane dhe kam 34 vite në emigrim. Mos e lini Shqipërinë, këtu duhet ta bëjmë betejën. Askush nuk është i lumtur në emigrim. Ju përgjërohem, mos e braktisni Shqipërinë”, tha ajo.
Ajo u bëri thirrje edhe emigrantëve të kthehen dhe të mbështesin përpjekjet për një Shqipëri më të mirë.
