Kryeministri Edi Rama shprehet se fryma dominuese e protestës është fashiste. Ai ka ripublikuar një video ku sipas tij janë pikërisht këta të fundit, pra protestuesit që kanë rrahur “mbrëmë drejtues automjetesh pse nuk i binin borisë, sipas urdhrit të këtij grupi çakejsh me dy këmbë”.
“Unioni i Gazetarëve Shqiptarë nuk ka asnjë lidhje me qeverinë, përveç rasteve kur ka bërë deklarata negative për qeverinë! Por deklaratën bashkëngjitur të Unionit po e postoj, sepse lidhet me të vërtetën më të rëndësishme dhe më shqetësuese të protestës së javëve të fundit: Frymën fashiste të një numri të madh bullistash online, e cila është fryma dominuese e protestës, që materializohet edhe në turmën bullizuese të marshuesve nëpër rrugë. Në video janë pikërisht këta të fundit, që kanë rrahur mbrëmë drejtues automjetesh pse nuk i binin borisë, sipas urdhërit të këtij grupi çakejsh me dy këmbë” shprehet Rama.
