Zëvendëspresidenti i SHBA-së, JD Vance, ka bërë të ditur se Uashingtoni po kërkon publikimin e plotë të memorandumit të mirëkuptimit me Pakistanin dhe Katarin, duke theksuar nevojën për më shumë transparencë mbi përmbajtjen e marrëveshjes.
Sipas Vance, SHBA po u bën thirrje palëve që dokumenti të bëhet publik sa më shpejt, ndërsa aktualisht ka vonesa për shkak të kërkesave të Islamabadit dhe Dohas, të cilat kanë kërkuar shtyrjen e publikimit për arsye të protokolleve diplomatike.
“Ata na kanë kërkuar të mos e publikojmë kontekstin për pak kohë; do të dalë më së voni të premten. Në fakt, po përpiqemi t’i shtyjmë që ta publikojnë sot, sepse duam t’u themi amerikanëve se është në thelb një marrëveshje e mirë për ta,” u shpreh JD Vance për CBS.
