Këtë të enjte një autubus i cili transportonte nxënësit e një shkolle gjatë një ekskursioni ka pësuar një aksident në qendër të Elbasanit.
Sipas informacioneve paraprake, ngjarja ndodhi rreth orës 13:20, kur autobusi, gjatë një manovrimi të gabuar në lëvizje, u përplas me një automjet tjetër që po qarkullonte në të njëjtën zonë.
Fatmirësisht, pavarësisht frikës dhe tensionit të krijuar tek nxënësit, nuk raportohet për persona të lënduar.
Ndërkohë menjëherë në vendngjarje mbërritën forcat e policisë, të cilat kryen veprimet procedurale dhe nisën hetimet për të përcaktuar rrethanat e plota të aksidentit.
