Presidenti francez Emmanuel Macron ka njoftuar gjatë vizitës së tij në Damask se Franca do t’i kthejë Sirisë 51 milionë euro nga asetet e sekuestruara të Rifat al-Assad, xhaxhait të ish-presidentit sirian Bashar al-Assad.
Marrëveshja, e nënshkruar mes dy vendeve, parashikon që fondet të përdoren për financimin e projekteve të zhvillimit në Siri.
“Më shumë se 50 milionë euro nga prona e konfiskuar e fituar në mënyrë të paligjshme nga familja e ish-diktatorit do t’i kthehen popullit sirian për të financuar projekte specifike zhvillimi në vend”, deklaroi Macron në konferencën e përbashkët për shtyp me presidentin sirian Ahmed al-Shar, duke theksuar se fondet do të shërbejnë në interes të qytetarëve sirianë.
