Protesta qytetare kundër qeverisë së kryeministrit Edi Rama dhe projektit të planifikuar në Zvërnec ka vijuar këtë të hënë, duke shënuar ditën e 44-t të saj.
Qindra qytetarë janë mbledhur para Kryeministrisë, ndërsa organizatorët kanë deklaruar se tubimi do të vijojë edhe në ditët në vijim.
Protestuesit kërkojnë dorëheqjen e kryeministrit, krijimin e një qeverie teknike tranzitore dhe ndryshime në sistemin politik.
Në kërkesat e tyre përfshihen gjithashtu shfuqizimi i ndryshimeve për zonat e mbrojtura dhe trashëgiminë kulturore, anulimi i Paketës së Maleve dhe rishikimi i ligjit për investimet strategjike.
