Pasuri mbi 2 milionë euro përfshirë makina, pasuri të paluajtshme dhe para, janë sekuestruar për masë parandaluese nga Policia Financiare e Venecias në dispozicion të Drejtorisë Antimafia të Qarkut.
Dy grupe kriminale shqiptare janë shkatërruar nga autoritetet italiane. Mësohet se këto dy grupe kriminale merreshin me trafikim droge në territorin e Venetos.
Në hetim janë përfshirë 33 persona të dyshuar që kishin baza operative në Venecia, Padova, Treviso dhe Verona, me trafik që shtrihej në Lombardi dhe jashtë saj.
Gjatë operacionit u arrestuan 18 persona në vepër të krimit të gjetur në posedim të lëndëve të ndryshme narkotike dhe u sekuestruan 25 kilogramë kokainë dhe 11 kg lëndë narkotike të llojit marijuanë.
/5pyetjet.al
