Zëvendësministri i Shëndetësisë së Kosovës Arsim Berisha, tha se më datë 4 shkurt do të bëhet shqyrtimi i masave anti-COVID.
Ai tha se shqyrtimi do të bëhet në bazë të situatës së pandemisë me variantin Omicron.
Berisha theksoi se përgjatë këtyre tre ditëve shifrat flasin për një përmbysje të numrit të të shëruarve në raport me ato të infektuarve.
“Ne i kemi marrë parasysh të gjitha kritikat që janë dhënë nga ana e publikut dhe aktorëve politik dhe patjetër që këto masa do të shqyrtohen më datën 4 shkurt. Teksa që prej tre ditësh kemi një përmbytje për të mirë të të shëruarve në raport me të infektuarit ne do të presim edhe dy ditë, ditën e enjtë ne takohemi së bashku me ekspertët dhe në bazë të situatës në kohë reale ne do të shikojmë dhe do të vendosim për masat e reja”, ka thënë ai.
