Edhe pse “motorët” janë ndezur prej disa javësh, zyrtarisht sot nis fushata për zgjedhjet e pjesshme lokale në 6 bashkitë e vendit, që do të vendosin kryetarin e ri në datë 6 mars. Dibra, Shkodra, Durrësi, Lushnja, Vora dhe Rrogozhina deri në datë 6 mars do të dëgjojnë projektet dhe idetë e kandidatëve për të vendosur më pas cilit do i besojnë një mandat një vjeçar.
Shumica socialiste do të ketë përballë një opozitë të përçarë, me Sali Berishën të mbështetur nga LSI dhe një grup partish të tjera që nxori kandidatët e tij përpos atyre të PD-së zyrtare që drejtohet nga Lulzim Basha. Përçarja pritet që t’i japë terren PS-së për të fituar bashkitë.
KANDIDATËT
Kandidatët e PS
Durrës-Emirjana Sako
Shkodër-Majlinda Angoni
Dibër-Rrahim Spahiu
Rrogozhinë-Edison Memolla
Vorë-Blerim Shera
Lushnjë-Eriselda Sefa
Kandidatët e Sali Berishës
Shkodër-Bardh Spahia
Durrës-Ardian Muka
Lushnjë-Eton Bano
Dibër-Premtim Kryemadhi
Rrogozhinë-Hekuran Xhani
Vorë-Lulzim Vrana
Kandidatët e PD
Dibër-Luan Haka
Rrogozhinë-Ferdinand Saraçi
Shkodër-Xhemal Bushati
Durrës-Luan Hoti
Vorë-Ymer Marku
Lushnjë-Indrit Sefa
/5pyetjet.al
