Filloi sërish protesta për uljen e çmimit të naftës dhe produkteve të shportës, ashtu siç u paralajmërua nga dje në orën 17.00 qytetarët janë grumbulluar në sheshin “Skënderbeu” dhe kanë marshuar drejt Kryeministrisë.
Gjatë marshimit qytetarët janë dëgjuar të thonë “Nëse nuk bien çmimet, do bjerë qeveria”, ndërkohë që është paralajmëruar se sot ata do bëjnë zyrtare kërkesat e tyre.
Po ashtu është mësuar se do të kërkohet dhe dorëheqja e një zyrtar i lartë i kabinetit të Ramës.
Kujtojmë që pak metra më larg do të zhvillohet edhe koncerti i Malumës, dhe po ashtu protestuesit po kërkojnë informacione se nga kanë ardhur fonde për të paguar këngëtarin, duke qenë se vet Rama ka thënë që jemi në gjendje lufte.
