Një pjesë e qarkut të Korçës është zgjuar e mbuluar nga dëbora mëngjesin e sotëm. Reshjet kanë pushuar për momentin dhe moti pritet që të përmirësohet. ARRSH thekson se nuk ka asnjë problem për lëvizjen në të gjitha akset.
“Gjatë natës reshjet kanë pushuar. Në Qarkun e Korçës ka pasur reshje të dobëta dëbore në lartësinë mbi 1400m shoqëruar me temperatura të ulëta. Qarkullimi kryhet normalisht në të gjitha akset” mbyllet njoftimi.
Dje kishte problematika në Rrugën e Arbrit që u bllokua për disa orë, një urë në Kukës, që ende nuk është rregulluar dhe në Qafën e Thores dëbora ka bllokuar lëvizjen.
