Komisioni i Organizimit dhe Kontrollit të Operacioneve Elektorale në Partinë Demokratike, që drejtohet nga grupi i “Rithemelimit” udhëhequr nga Sali Berisha mesditën e sotme përmes një konference për mediat njoftoi procesin e zgjedhjeve brenda partisë më të madhe në opozitë dhe synimet pas Kuvendit të 30 Prillit.
“Kuvendi Kombëtar do të caktojë datën, komisionin dhe procedurat për zgjedhjen e kryetarit të ri të PD-së, si do të jetë ecuria dhe si do të bëhet fushata. Ne sot këtu jemi për të informuar procesin zgjedhor.
Përveç dy degëve është përmbyllur, është procesi më transparent që është bërë ndonjëherë. 39512 anëtarë kanë marrë pjesë ne zgjedhjet për kryetarët e degëve të PD-së. Kjo transparencë është risi. Në një garë ku ka 72 degë, 200 kandidatë dhe probleme me listat, do të ketë edhe probleme dhe këto janë raportuar.
Kanë qenë me foltoren apo jo, kanë marrë pjesë të gjithë anëtarët, nuk ka rrjedhje dhe përçarje, por në proces kanë marrë pjesë të gjithë. Partia ka mbi 40 mijë anëtarë që kanë marrë pjesë në zgjedhje, nuk ka përçarje apo rrjedhje. Nesër do të bëjmë publike listën e kandidatëve për Këshillin Kombëtar” tha Albana Vokshi.
