Kryetarja e LSI-së, Monika Kryemadhi ka zhvilluar një takim me strukturat e partisë në qytetin e Vlorës.
Takimi është mbajtur pasi Kryemadhi ka lënë Kuvendin.
Bisedimi është bërë në kuadër të organizimit të strukturave për zgjedhjet vendore të viti të ardhshëm.
Ajo ka folur edhe për koalicionin me Bashën si dhe “tradhtinë” e këtij të fundit për shkrirjen totale të LSI-së.
“Kryeministri Edi Rama ishte një nga njerëzit që kishte qëllim eliminimin total të LSI duke bashkëpunuar me zotin Basha”, deklaroi Kryemadhi.
“Kishin qëllim të bënin një qeveri të përbashkët për të vazhduar me koncesione të tjera radhë pas radhe. Goditja ishte shumë e madhe.
Pse të gënjejmë kot. Kishte në thelbin e saj aspirim për të krijuar një elitë të re. Sot nuk kemi një grup parlamentar por kemi katër deputetë që kanë mandatin e 11 deputetëve”, u shpreh ajo.
